Università
di Siena
Dettaglio Testo
BDAL
24,19
RS
1227
Repertorio Metrico
942,2
Bibliografia
Lepage 1994, 18
Genere
chanson*
N Strofe
7
Refrain
Schema Rimico
ababbabcccbabb
Schema Sillabico
AAAAAAA346A777
Genere Rime
fmm
quant je pluz sui en
paour
de ma vie
et je mains doi par raison estre liés,
lors me semont ma
volentez
et prie
et fine
amours
que je soie
envoisiez
.
s'ele m'ocit, suens en iert li pechiez;
trop a
douz
nom pour faire vilenie;
maiz se je sui par mes iex
traveilliez
,
dont la vi,
qu'en doi je li
demander fors
merci
?
puiz que par moi sui de
joie
eslongiez,
je ne m'en doi plaindre mie;
conment qu'aie esté
iriez
,
doucement
sui engigniez.
amours
,
mal
vi ceus qui vous ont trahie,
quant vous seur moi vostre
duel
en vengiez;
et si n'ai pas envers vous desservie
nule chose dont
doie
estre empiriez.
mon cuer avez, pieça n'en fui aidiez,
ainz m'a laissié pour vostre compaignie.
mains, s'i vous
plaist
, cruelment m'assaiez
a
ami
,
quar ja de mi
ne ferez anemi.
pour ce vous proi que
merci
en aiez,
quar se vous avec la vie
que je ai m'i
destraigniez
,
mal
vi biauté sanz
pitiez
.
par grant esfort ai la
dolour
veincue,
qui me
quide
de ceste
amour
tourner;
maiz ne di pas qu'ele en soit recreüe,
que chascun jour ne me vueille
grever
,
ma
douce
dame, et pour moi esprouver,
pour qui j'ai si toute autre
amour
perdue,
si que je n'ai de quoi autrui
amer
ne servir.
ne desservir
ne puis par
mal
soufrir
que la
painne
vueille guerredouner,
que je ai pour li eüe;
ne sai se
merci
trouver
porrai en son cuer aver.
nenil, certes, ainz m'iert chiere vendue;
maiz ne la puis sanz morir achater.
joie
eu de li, si la m'a retolue;
rienz n'i a mis qu'ele n'en vueil1e oster,
fors
volenté
, qu'ele n'en puet jeter,
dont l'
amours
est en mon cuer descendue,
qu'el m'a leissié pour son cors
desirrer
.
si
desir
qu'a son
plaisir
puisse de li
joïr
,
quar autrement ne la quier enganer.
si m'en soit
joie
rendue
et puisse
amours
recovrer,
com je di voir sanz fausser.
onques mais cuers, ne voloirs, ne
pensee
envers dame si
bien
ne se prova;
maiz je ne sai conment puisse estre
amee
cele d'autrui qui son cuer n'
amera
.
de cel cuer l'
aim
, qui pour li me laissa;
et nonpourquant ainc n'i ot dessevree,
qu'entierement avec li me douna
par mon
gré
.
s'or m'a
grevé
,
c'est par ma
volenté
:
ja ma dame reprochié ne sera,
et s'en iert
espoir
blasmee,
maiz nului n'en pesera
tant com moi, quant ce sera.
chanson, di li que
mal
vi assamblee
tante biauté com ele me moustra
en sa face fresche et encoulouree,
donc li
orgueus
en son cuer avala,
qui son
ami
ocirre li fera.
s'
amours
li laist avoir longue duree,
quar c'est la rienz en cest mont qui pluz a
tost sané
home navré
de si
douce
enferté
comme je sui -
bien
ait qui me navra!
tost m'en iert guerredounee
la
painne
, quant li
plaira
et
pitiez
l'en prendera.
quennes, en Blondel est nee
l'
amour
, qui ja ne faudra,
tant de
mal
ne li fera.