UniversitÓ
di Siena
 
Dettaglio Testo
 
   

BDAL

24,22

RS

0120

Repertorio Metrico

627,5
Bibliografia Lepage 1994, 20
Genere chanson
N Strofe 6
Refrain
Schema Rimico ababaaba
Schema Sillabico 88888888
Genere Rime fm
s'amours veut que mes chans remaigne
et la bele le me desfent,
qui mon cuer angoisse et mahaigne,
je n'en quier maiz avoir talent;
ainz vueill mieuz qu'ele me destraigne,
s'ele voloit estre compaigne
de la doleur que pour li sent.
or li proi que pitiez l'en praigne
et que de moi grever se faigne.
trop m'a´re et painne souvent,
maiz n'est pas drois que je m'en plaigne,
s'amours fait son commandement;
puiz que li a amer m'enseigne,
bien feroit - maiz ele ne daigne -
s'ele m'amoit si loiaument
com si oeill m'en firent l'enseigne.
certes, ja plus ne li querroie;
pour tant porroie je guerir
de cest mal, qui si affebloie
mon cuer, qui ne la puet ha´r,
si m'est bel qu'ele m'i guerroie,
et se je cest mal refusoie,
ja puis ne devroie jo´r
des biens donc la doleurs est moie.
a ce c'on sert de cuer et proie,
voit l'en mout pou de bien venir;
ja diex ne doint que m'en recroie
por mal qui m'en puisse avenir.
se dous reguars ne m'i faunoie,
li bel oeill que ses cuers m'envoie,
s'il ne dešoivent par mentir,
font bien samblant, que je les croie.
et je si fais; pluz dous message
ne m'i porroit ele envoier
que ceus qui sunt de son parage
pour ma grant doleur alegier.
mout en sui liez en mon corage,
et si puiz bien avoir damage,
puiz que si sui en son dangier;
qu'ausi privÚ voit on sauvage.
qui d'amours n'avroit autre guage
que j'ai, s'amast de cuer entier
si com je fais, en grant folage
averoit mis son desirrier.
Blondiaus met son cuer en hostage
la u il n'a point de visnage,
biau samblant sanz otroier;
maiz n'i claime point d'iretage.