Università
di Siena
Dettaglio Testo
BDAL
38,13
RS
1872=1876a=1884
Repertorio Metrico
924,2
Bibliografia
Lerond 1964, 19
Genere
chanson*
N Strofe
5
Refrain
Schema Rimico
ababbabba
Schema Sillabico
AAAAAAAAA
Genere Rime
mm
par quel forfait ne par quele ochoison
m'avez,
amors
, si de vois eslongié
que de vos n'ai
confort
ne guarison,
ne je ne truis qui de moi ait
pitié
?
lonc tans m'avés si sans
merci
leissié
c'onques de vos ne me vint se maus non;
n'encore,
amors
, ne vos ai reprochié
mon service, mes ore m'en plaig gié
et di que mort m'avez sanz raençon.
bien
deüssiez, dame, esguarder raison
de moi
grever
, cui servi et proié
ai longement par bone
ententïon
,
n'onques nul jor ne me feïstes lié.
malement ai mon service emploié,
se par
merci
ne vieg a garison:
merci
,
amors
, trop m'avez
traveillié
,
ne me laissiez ensi desconseillié,
que ma dame ne me jet de prison!
proi vos, dame, par vos tres granz valors
que vos
amez
vostre loial
ami
.
alegiez
moi mes maus et mes
dolors
,
car je sui cil qui plus avra servi!
de vos
atent
guerredon et
merci
,
ne ma
joie
ne puet venir d'aillors,
et se g'i faill, mar fui et mar vos vi.
j'ai dit que folz, ainz m'en tieg por gueri,
mes trop vient lent, dame, vostre secors.
ne
cuidiez
pas, dame, ce soit folors,
se je vos
aim
et serf et lo et pri;
tant servirai, vostre sera l'onors
quant vos m'avroiz mon service meri.
de vos
amer
me
dout
et faz hardi,
qu'en
amer
gist hardemens et
paors
;
ne tot ne çoil mon cuer ne tot nel di;
mes se je rienz par
paor
i oubli,
vainque
pitiez
,
douce
dame, et
amors
!
se fins
amis
destrois
et
amoros
ot ainc nul
bien
por servir loiaument,
donc doi je
bien
par droit estre
joious
,
car je sui cil qui pluz a de
torment
;
et si vos
aim
, dame, tant finement
que je ne puis par autre estre
amoros
,
et mes chansons faç por vos solement,
n'onques nul jor ne chantai faintement;
si me doint Dex, dame,
joïr
de vos!