UniversitÓ
di Siena
 
Dettaglio Testo
 
   

BDAL

50,01

RS

1125

Repertorio Metrico

902,13
Bibliografia Wallensk÷ld, 1968, 04
Genere chanson de croisade
N Strofe 6
Refrain
Schema Rimico ababbaba
Schema Sillabico AAAAAAAA
Genere Rime fm
ahi! Amors, com dure departie
me convenra faire de la millor
ki onques fust amee ne servie!
Dieus me ramaint a li par sa doušour,
si voirement con j'en part a dolor!
las! k'ai je dit? ja ne m'en part je mie!
se li cors va servir Nostre Signor,
mes cuers remaint del tot en sa baillie.
por li m'en vois sospirant en Surie,
car je ne doi faillir mon Creator.
ki li faura a cest besoig d'a´e,
saiciÚs ke il li faura a grignor;
et saicent bien li grant et li menor
ke la doit on faire chevallerie
ou on conquiert Paradis et honor
et pris et los et l'amor de s'amie.
Dieus est assis en son saint iretaige;
ore i parra con cil le secorront
cui il jeta ce la prison ombraje,
quant il fu mis ens la crois ke Turc ont.
honi soient tot chil ki remanront,
s'il n'ont poverte ou viellece ou malaige!
et cil ki sain et jone et riche sont
ne poevent pas demorer sans hontaige.
tot li clergiÚ et li home d'eaige
qui ens ausmogne et ens biens fais manront
partiront tot a cest pelerinaige,
et les dames ki chastement vivront
et loiautÚ feront ceaus ki iront;
et s'eles font par mai consel folaige,
a lasques gens mauvaiscs le feront,
car tot li boin iront en cest voiaige.
ki chi ne velt avoir vie anuieuse
si voist por Dieu morir liÚs et joieus,
car cele mors est douce et savereuse
dont on conquiert le resne pres´eus,
ne ja de mort n'en i morra uns sels,
ains naistront tot en vie glor´euse;
et saiciÚs bien, ki ne fust amereus,
mout fust la voie et boine et deliteuse.
Dieus! tant avons estÚ preus par huiseuse,
or i parra ki a certes iert preus;
s'irons vengier la honte dolereuse
dont chascuns doit estre iriÚs et honteus;
car a no tans est perdus li sains lieus
ou Dieus soffri por nos mort angoisseuse.
s'or i laissons nos anemis morteus,
a tos jors mais iert no vie honteuse.