UniversitÓ
di Siena
 
Dettaglio Testo
 
   

BDAL

50,06

RS

1574

Repertorio Metrico

627,3
Bibliografia Lepage 1981, APP. II
Genere tenson
N Strofe 6
Refrain
Schema Rimico ababaaba
Schema Sillabico AAAAAAAA
Genere Rime mf
[l']autre ier avint en cel autre pa´s
c'uns chevaliers ot une dame amee.
tant com la dame fu en son bon pris,
li a s'amour escondite et veee.
puiz fu uns jours qu'ele li dit: - amis,
menez vous ai par parole mainz dis;
or est l'amour couneŘe et moustree:
d'ore en avant serai a vo devis. -
li chevaliers la reguarda el vis,
si la vit mout pale et descoulouree.
- dame -, fait il, - certes mal sui baillis
que n'eŘstes pieša ceste pensee.
vostre clers vis, qui sambloit flour de lys,
est si alez, dame, de mal en pis
qu'il m'est avis que me soiez emblee;
a tart avez a moi cest conseill pris. -
quant la dame s'o´ si ramprosner,
grant honte en ot, si dit par sa folie:
- par Dieu! vassal, jel vous dis pour gaber;
cuidiez vous dont qu'a certes le vous die?
onques nul jour ne me vint en penser.
savriez vous dont dame de pris amer?
nenil, par Dieu! ainz vous prendroit envie
d'un bel vallet baisier et acoler! -
- dame -, fait il, - j'ai bien o´ parler
de vostre pris, maiz ce n'est ore mie;
et de Troie rai jŰ o´ conter
qu'ele fu ja de mout grant seignorie;
or n'i puet l'en fors les places trouver.
et si vous lo einsi a escuser
que cil soient retÚ de l'iresie
qui des or maiz ne vous voudront amer. -
- par Dieu! vassal, mout avez fol pensÚ
quant vous m'avez reprouvÚ mon eage.
se j'avoie mon jouvent tout usÚ,
si sui je riche et de si grant parage
c'on m'ameroit a petit de biautÚ.
encor n'a pas un mois entier passÚ
que li Marchis m'envoia son message
et li Barrois a pour m'amour joustÚ. -
- dame -, fait il, - ce vous a molt grevÚ
que vous fiez en vostre seignorage;
mes tel .vii. ont ja pour vouz sospirÚ,
se vous estiÚs fille au roi de Cartage,
qui ja mes jour n'en aront volentÚ.
on n'aimme paz dame pour parentÚ,
maiz quant ele est bele et courtoise et sage.
vouz en savroiz par tanz la veritÚ. -