Università
di Siena
Dettaglio Testo
BDAL
117,7
RS
1126
Repertorio Metrico
1410,3
Bibliografia
Barbieri 2001, p. 237
Genere
chanson de croisade
N Strofe
7
Refrain
Schema Rimico
abbaccaa
Schema Sillabico
AAAAAAAA
Genere Rime
fmm
s'onques nuns hons por
dure
departie
ot cuer
dolant
, dont l'ai je par raison,
c'onques tortre qui pert son compaingnon
ne fut un jor de moi plus
esbahie
.
chascuns ploure sa terre et son païs
cant il se part de ses coraus
amis
,
mais il n'est nuns congiés, que que nuns die,
si
dolerous
com d'amin et d'
amie
.
li revëoirs m'a mis en la folie,
dont je m'iere gardeis mainte saison,
d'aler a li, et ai quis'ochoison
dont je morai; et se je vif, ma vie
vaudra
bien
mort, car cil qui ait apris
estre anvoisiés et chantans et jolis
a aseis pis, cant sa
joie
est faillie,
que s'il moroit tout a une foïe.
se je seüsse autretant a l'enprendre
que li congiés me
tormentaist
ensi,
je laissasse m'ame en vostre
merci
,
s'alaisse a Deu graces et
mercis
randre
de ceu que ains
soffrites
a nul jor
que je fusse beans a vostre
amour
;
mais je me teing
apaiés
de l'
atandre
,
puis que chescuns vos aime ensi sans prendre.
mult a croissiés
amorous
a contendre
d'aler a Dieu ou de remanoir ci,
car nesuns hom, puis k'
Amors
l'a saisi,
ne devroit ja si
grief
fais entreprendre:
on ne puet pas servir a tant seignor;
proec qe fins cuers qi bet a haute honor
ne se poroit de tel chose deffendre,
por ce, dame, ne m'en devés reprendre.
un
confort
voi en vostre dessevrance,
que je n'avrai a Deu que reprochier;
mais quant por li me covient vos laissier,
je ne sai rien de greingnor reprochance;
car cil qui voit tel
amor
dessevrer
et n'a pooir qu'il puisse recovrer
a assez plus d'
ire
et de
pesance
que n'avroit ja li rois s'il perdoit France.
ahï, dame, tout est fors de
balance
,
partir m'estuet de vos sans recovrier;
tant en ai fait que je ne puis laissier,
mais s'il ne fust de remanoir
viltance
et reproche, j'alaisse demandre
as fins
amans
congié de
demorer
;
mais vos estes de si tres grant vaillance
que vostre amins ne doit faire faillance.
mout par est fols cil qui vait oltre mer
qi prent congié a sa dame a l'aler;
mais mande li de Lombardie en France,
que li congiés double la
desirance
.