UniversitÓ
di Siena
 
Dettaglio Testo
 
   

BDAL

154,09

RS

1718

Repertorio Metrico

1424,1
Bibliografia Newcombe 1972, 07
Genere chanson pastourelle
N Strofe 6
Refrain R
Schema Rimico abbaccbbdeed
Schema Sillabico 777777777B75
Genere Rime fmmfm
de Pascour un jour erroie
jouste un bos les un larris;
truis pastouriaus ańtis,
dient qu'il feront grant joie,
et si averont fretel,
pipe et muse et calemel,
s'amie cascuns amis;
et si ert li gaite Guis
notant de la lupinele:
et dont do do do do do do do do do
et dont do do do do do,
de la lupinele.
illuec me sui mis a voie
et si m'en sui departis;
mais ains que fust miedis
ensi coume retournoie,
en un riÚs vert et nouvel
lor truis menant lor cembel.
mult en i ot del pa´s,
et si fu li waite Guis
notant de la lupinele:
et dont do do do do do do do do do
et dont do do do do do,
de la lupinele.
je descendi en l'erboie
pour esgarder lor delis,
jupes et grailes cretis
i avoit mult et de soie,
huves faites en rŰel
et coteles de buirel,
ro´es duques a sis;
aveuc cieus se tenoit Guis
notant de la lupinele:
et dont do do do do do do do do do
et dont do do do do do,
de la lupinele.
hervis mult souvent manoie
les mains s'amie A´elis.
hersent a son regart mis
en Foukier qui se coroie
toup´oit o le coispel
tout entour son doit manel,
et sifloit tout a devis
ausi con li waite Guis
notoit de la lupinele:
et dont do do do do do do do do do
et donT do do do do do,
de la lupinele.
aluques juent a roie
Godefrois et Aimeris,
au trescoier se sont pris.
Godefroi mult si desroie,
saut et treche et maine bel
la trece entour un oumel
u plus ot de gent asis;
tot devant s'en aloit Guis
musant de la lupinele:
et dont do do do do do do do do do
et dont do do do do do,
de la lupinele.
par envie doi dansel
li effondrent son fourrel;
lors i leva uns estris:
dolant furent tout quant Gu╠s
laissa de la lupinele.
et dont do do do do do do do do do
et dont do do do do do,
de la lupinele.