Università
di Siena
 
Dettaglio Testo
 
   

BDAL

185,02

RS

1087

Repertorio Metrico

902,31
Bibliografia Petersen Dyggve 1938, 07
Genere chanson
N Strofe 4
Refrain
Schema Rimico ababbaba
Schema Sillabico 77888787
Genere Rime mm
a ma dame ai pris congié
et guerpi ai som païs,
car veü ont nostre amistié
felon, tant s'i sont entremis.
mais se li cors en est partis,
i,e cuer li ai tout laissié,
car ainques puis n'en fui saisis
ke je li euç otroié.
de toutes pars sont gaitié
amant, trop ont d'anemis.
pour çou doivent estre esmaié
k'il n'ait en lour fais n'en lour dis
riens dont puissent estre repris
de la gent ne blastengié,
car li enuiex sont tos dis
de mesdire aparellié.
molt eüst Diex bien jugié,
et seroit drois, ce m'est vis,
ke mesdisant mal afaitié
et de felonie entrepris
fuissent tot a une part mis
comme larron ensegnié,
k'adés parussent en lour vis
li mal dont sunt entechié.
lors seroient amant lié
et molt aroient conquis,
se d'aus erent descompaignié
cil qui adés les ont traïs.
de moi certes sui je tous fis
qu'il m'eüssent empirié,
s'on les vausist avoir oïs,
des maus k'il ont enditié.