UniversitÓ
di Siena
 
Dettaglio Testo
 
   

BDAL

185,04

RS

1135

Repertorio Metrico

1302,2
Bibliografia Petersen Dyggve 1938, 04
Genere chanson
N Strofe 7
Refrain
Schema Rimico abbaabaaba
Schema Sillabico 7777777777
Genere Rime fm
Amors, n'est pas, que q'en die,
sages ne bien aŘrous
cuers qui ne se rent a vous.
il li covient sa folie,
sa gile et sa vilenie,
ses mesdiz et ses maus tos
guerpir, puis que sanz boidie
se met en vostre baillie.
sages, cortois, larges, prouz
devient par vostre mestrie.
Amors, qui vostre sen guie
doit estre humbles, frans et douz
a touz fins cuers amoros.
quant mieuz vaut, plus s'umelie;
as bons porte compaignie,
biau se part des ennuios;
por une dont a envie
mostre a touz sa cortoisie;
de biau servir est jalous
por avoir touz en a´e.
qui aime sanz tricherie
ne pense n'a trois n'a dous,
d'une sole est desirous.
cil qui lŰaus amors lie
ne voldroit d'autre avoir mie
ses vouloirs tot a estrous,
car nus solaz n'asazie
cuer d'ami, s'il n'est d'amie:
celi tieng por savourous
qu'em conquiert par drŘerie.
cil qui a giler s'avoie
vet une et autre essaiant.
a chascune fait semblant
que por li morir se doie,
et s'aucune li otroie
s'amor, lors li quiert errant
qu'ele li doint l'autre joie:
lui ne chaut s'ele foloie,
mes que ses hons li creant.
cele s'amor mal emploie.
je lou dame que ne croie
ceus qui trop se vont hatant
d'avoir ce qu'en atendant
conquiert cil qui de cuer proie.
car haus desirs mouteploie
bone amor et fet plus grant,
mais faus drus, quant on li noie
son vouloir, tantost s'efroie
et vet une autre acointant
a cui fausement donnoie.
dame cortoise et vaillant,
doint Dex q'amer ne vous voie
faus dru, que de duel morroie.
celi doint Dex faus amant
ou Gile hante et s'onbroie.
Mon´ez prie en chantant
que d'amer la droite voie
ne lait nus por rien q'il oie,
que valoir fait, ne riens tant
de mauvestiÚ ne desvoie.