UniversitÓ
di Siena
 
Dettaglio Testo
 
   

BDAL

185,1

RS

0094

Repertorio Metrico

330,3
Bibliografia Petersen Dyggve 1938, 19
Genere chanson pastourelle
N Strofe 5
Refrain
Schema Rimico aabaabccbccb
Schema Sillabico 446446446446
Genere Rime mfm
ce fu en mai,
au douz tens gai
que la sesons est bele,
main me levai,
joer m'alai
lez une fontenele.
en un vergier
clos d'esglentier
o´ une v´ele;
la vi dancier
un chevalier
et une damoisele.
cors orent gent
et avenant,
et Dex! tant biau danšoient!
en acolant
et en besant
mult biau se deduisoient.
en un destor,
au chief du tour,
dui et dui s'en aloient;
desor la flor,
le gieu d'amor
a leur plesir fesoient.
j'alai avant,
trop redoutant
que nus d'els ne me voie,
maz et pensanz
et desirranz
d'avoir autretel joie.
lors vi lever
un de leur per
de si loing com g'estoie
por apeler
et demander
qui sui et que queroie.
j'alai vers aus,
dis lor mes maus,
que une dame amoie,
a qui loiaux
sanz estre faus
tout mon vivant seroie,
por cui plus trai
peine et esmai
que dire ne porroie.
las, or morrai,
car bien le sai,
s'ele ne mi ravoie.
cortoisement
et gentement
chascuns d'els me ravoie,
et dient tant
que Dex briement
m'envoit de cele joie
pour qui je sent
paine et torment,
et je leur en rendoie
merci mult grant
et en plorant
a Dieu les coumandoie.