UniversitÓ
di Siena
 
Dettaglio Testo
 
   

BDAL

185,11

RS

0490

Repertorio Metrico

968,2
Bibliografia Petersen Dyggve 1938, 12
Genere chanson*
N Strofe 6
Refrain
Schema Rimico ababbbabab
Schema Sillabico 7777577777
Genere Rime fm
li dous termines m'agree
del mois d'avril en pascor
ke voi le bois et la pree
cargier de foille et de flour
et estre en verdour
et j'oi chanter nuit et jour
oiscaus par broelle ramee;
mais joie eŘsse grignor
se je fuisse ens la contree
ou cele Maint qui j'aor.
piech'a n'i fis demoree
car j'avoie grant paour
ke por moi ne fust blasmee;
por š'ai fait aillors sejor
tant ke jangleor
qu'ont perceŘ nostre amor
i aient mains lor pensee.
lors quant g'i ferai retor
s'en iert ma joie doublee
si m'ara grignor savor.
je ne l'ai pas mains amee
pour šou s'o li ne demor
anšois l'ai plus desiree,
qu'en li a tres grant valor
beautÚ sans folor
un ris a plain de doušor,
chief blont, faice coloree,
vairs iex, bouce de beau tor;
belle est quant est achesmee,
et bien plaisans sans ator.
tant mi plaist sa drŘerie
ke siens sui tot ligement.
ma joie avroie acomplie,
ce m'est vis, entierement,
s'un jour seulement
avoie a li parlement;
mais mis m'a en jalosie
mes cuers ki me dist sovent
k'ele pour šou m'entr'oblie
ke je demor longement.
mais tant a de cortoisie
k'ele n'en feroit noient:
n'oevre pas de repentie
cuers ki aime loiaument.
cest ensegnement
ai tenu, car autrement
fust ens moi piech'a faillie
l'esperance c'on atent
d'Amor quant on l'a servie;
chis confors joie mi rent.
al Dreuois isnellement
va, canšons, et si li prie
k'Amors serve loiaument,
ke valors en est norrie
et tos haus pris en descent.