UniversitÓ
di Siena
 
Dettaglio Testo
 
   

BDAL

207,2

RS

0014

Repertorio Metrico

726,1
Bibliografia Petersen Dyggve 1942a, p. 74
Genere chanson
N Strofe 7
Refrain
Schema Rimico ababababba
Schema Sillabico 7777777777
Genere Rime fm
quant foillissent li boskaige,
ke prÚ sont vert et flori,
ke cil oisellon sauvaige
chantent au dols tans seri,
las! et je plaig mon damaige:
quant plus chant et jeu et ri,
mains ai joie en mon coraige,
et si me muir por celi
ki n'en daigne avoir merchi,
si ne m'en tieg pas a saige.
seur tout conois mon folaige.
moi ke chaut? je sai de fi
k'Amors a tel signouraige
k'il le m'estuet faire ensi,
si servirai mon eaige
(ne sai se ja m'ert meri)
la belle, la prex, la saige
pour qui j'ai soulas guerpi,
dont fine Amors m'a tra´,
ki m'ochist en son homaige.
Amors, en vostre servise
me sui mis en noncaloir,
si sai bien k'en nule guise
ne m'en porroie movoir.
ensi m'estuet a devise
quanques vous volÚs voloir:
mis sui en vostre franchise
loiaument, sans decevoir;
mais ne me puis perchevoir
ke pitiÚs vos en soit prise.
molt ai en vous pitiÚ quise,
mais ainc ne l'i poi veoir
n'en celi ne l'avÚs mise
ki tot le mont fet valoir.
bien avÚs ma mort emprise,
et quant plus mi desespoir
plus mi truis en sa justise,
si sai bien k'a estovoir
m'estuet morir ou savoir
me joie m'en iert pramise.
douce dolors est la moie,
car tant en ai le mal chier
ke tot le mont n'en prendroie
sel me couvenist cangier.
k'ai je dit? je ne porroie
ne ja volentÚ n'en quier,
et nonporquant tote voie
m'estuet penser et vellier,
mais ne me puis eslongier
de li, se morir devoie.
dame, voir, tous i morroie,
car je ne vous os proier
s'en chantant ne vous disoie
šou dont j'ai si grant mestier.
belle a cui mes cuers s'otroie,
tot mi penser desirier
sont a vous, ou ke je soie;
mais, por Dieu, tant vos requier
ke me fesissiÚs quidier
k'a vostre amor ataindroie.
mais li felon losengier
aront fait maint destorbier
a ceaus cui Amors maistroie.