UniversitÓ
di Siena
 
Dettaglio Testo
 
   

BDAL

219,1

RS

1229

Repertorio Metrico

1113,1
Bibliografia Petersen Dyggve 1944, p. 63
Genere chanson*
N Strofe 8
Refrain
Schema Rimico ababcaca
Schema Sillabico 77777777
Genere Rime ffm
ja de chanter en ma vie
ne quier mais avoir corage,
ainz aing mieuz qu'Amors m'ocie
por faire son grant domage,
que jamÚs si faitement
n'iert amee ne servie;
por ce chasti toute gent:
moi a mort et li trahie.
las! j'ai dit par ma folie,
ce sai de voir, grant outrage,
mais a mon cuer prist envie
d'estre legier et volage.
ha! dame, tant m'en repent,
mais cil a tart merci crie
qui atent tant que il pent;
por ce ai mort desservie.
d'Amours me covient retraire
por sa fause contenance;
poise m'en, n'en puis el faire,
qu'a son tort me desavance.
mais tex est sa volentez
que cil qui plus li doit plaire
en est touz tens plus grevez,
por c'est tricheresse vaire.
merci covient qui soit maire
que Jostice ne Clamance;
d'amer ne poi mie traire
ne ne sai dont j'oi pensance.
mout ai folement parlÚ
et Dex m'en devroit contraire
comme fol desesperÚ,
qu'en li n'ot ainz que refaire.
toz tens l'avrai escondite,
mais or i voi qui m'esmaie,
quant cil qui plus est suen quite
tolt touz ses biens et delaie,
por ce ne s'i doit f´er.
d'endroit moi soit el maudite:
la joie qui vient d'amer,
que j'oi grant, or l'ai petite.
a grant tort l'avrai sordite,
dou monde la plus veraie;
por ce me tieng a tra´te
et m'en met en sa menaie,
qu'encore m'en puet grever;
et Dex l'en rende merite,
s'el me voloit pardoner
la menšonge que j - ai dite.
cuens, Narcisus vuil mander
qu'il port ma chanson escrite
dedanz son cuer outre mer
par mi la terre d'Egypte.
Renaut, qui Amor avite
puisse Dex grant mal doner!
por li m'en vois en Egypte.