UniversitÓ
di Siena
 
Dettaglio Testo
 
   

BDAL

220,2

RS

1484

Repertorio Metrico

636,2
Bibliografia Petersen Dyggve 1942, p. 194
Genere chanson*
N Strofe 5
Refrain
Schema Rimico ababaababa
Schema Sillabico 8686886864
Genere Rime mf
qant je voi lou dous tans venir
ke ranverdit la pree
et j'oi lou roisignor tantir
ou box sor la ramee,
adonkes ne me peus tenir
de chanteir, car tuit mi desir
et toute ma pansee
sont an cele ameir et servir
cui j'ai m'amor donee
sans repantir.
mersit, c'il vos vient a plaisir,
doce dame honoree!
onkes ne vos osai jehir
ne dire ma pancee:
por Deu, ne vos chaille d'o´r
ne de conpagnie tenir
a gent maleŘree
ke mains amans font departir.
la male destinee
lor puist venir.
se me donst Deus de vos jo´r,
del mont la muez amee,
con jeu de boen cuer sans faillir
vos ains plus ke rien nee.
et sachiez de voir, sans mantir,
ke sans vos ne me puet venir
joe ki m'ait duree.
bien me poÚs faire morir:
se ma mors vos agree,
n'an kier garir.
ma dame cui je n'ois nomeir,
por Deu, n'obl´ez mie
moi ke seus vostres sans faceir,
si fereis cortosie.
car j'ai toz jors o´t conteir
c'an gentil cuer doit l'an troveir
mersit ke s'umilie,
et s'an vos ne la puis troveir,
lor covanrat ma vie
a duel fineir.
chanson, va t'an san demoreir
a boen Ancel de Lile
et si li di, ne li celer,
de part Renalt de Trie
ke de bone vie meneir
ne de tres loalmant ameir
ne se repante mie,
ans panst des fellons eschŘeir
ki les amans os´ent
sans defieir.