Università
di Siena
Dettaglio Testo
BDAL
265,0101
RS
1196
Repertorio Metrico
1368,1
Bibliografia
Petersen Dyggve 1938, 32
Genere
chanson
N Strofe
6
Refrain
Schema Rimico
abbabbaaba
Schema Sillabico
7387387777
Genere Rime
fm
Amors
me semont et prie
che je cant,
mais ma
dolors
le me defant.
si me covient che jo die
son
talant
de ço dont j'ai mon cuer
dolant
por celi che j'ai gerpie;
e si ne
cuidoie
mie
que por nule rien vivant
laissasse ma compaignie.
bien
me font morir d'
envie
li samblant
che si bel oel vair et riant
me firent par jalosie
d'un covant
c'une altre m'ot eü devant
e dist que grant truandie
fait cil qui a bele
amie
et altre vait essaiant,
mains en vaut sa cortesie.
grant mestier avroit daïe
qui ço sant
che j'ai senti si lonjemant;
n'encor ne m'en repent mie,
ains atant
et
atendrai
tot mun vivant
por la false professie
che dist, cil qui
merci
prie
et onques ne s'en repant,
che
mercis
ne li faut mie.
bien
est
mercis
oblïee,
s'a tos jors
est vers moi sanz
merci
Amors
qi ja me fu si privee
che d'aillors
n'
atendoie
bien
ne secors.
or m'est tolue et emblee
et a grant tort desevree
la belle qi de plusors
est requise et demandee.
dame, la plus onouree
des meillors,
en cui est mise tote honors,
bien
est raisons che je hee
vos valors
por coi de ci sui es retors
e partis de la contree
u la riens qui plus m'
agree
trait les mals e les
dolors
e remaint
desconfortee
.
Biels Confors,
mal
la vi nee.
cierement l'ai comparee;
tote m'est tornee en plors
la
joie
qu'en ai menee.