UniversitÓ
di Siena
 
Dettaglio Testo
 
   

BDAL

265,0253

RS

0023

Repertorio Metrico

1163,5
Bibliografia Petersen Dyggve 1938, 39
Genere chanson
N Strofe 4
Refrain
Schema Rimico ababccbb
Schema Sillabico AAAAAAAA
Genere Rime fmm
bien emploie son cuer et son corage
qui bien vos sert, Douce Virge Marie,
car il n'a pas en vos servir servage,
ainz est plus haut qui plus se humelie;
et quant est plus de servir volentius,
doce dame debonaire et gentius,
tant li sera miex sa painne merie,
lors quant chascuns avra mestier d'a´e.
Douce Dame, dou dozime lignage,
la cui došors tout le mont rassassie,
par vos nos pert la regions ombrage
ou plus part cil qui plus s'i humelie.
par vos vivons, par vos faut noz essius,
par vos somes getÚ de toz perius,
car vostre filz, clere estoile, nos guie
a la feste dont l'en ne se part mie.
Douce Dame, ploree en l'ermitage,
vos estes molt signoriment florie,
quant Dex nasqui de vos en pucelage,
dont lui et vos toz li mondes mercie:
lui, quant il fu si debonaire et pius
que por nos vost devenir vostre fius;
et vos de ce qu'umle et aparillie
fustes por estre et sa mere et s'amie.
Ro´ne, a cui li ange ont fait homage,
coronee de corone de vie,
a jointes mains, plorant, vos rent mon gage
de ce que ge si pou vos ai servie.
trop ai estÚ vers le munde bahius
et il de moi trop a estÚ baillius.
or voill oissir fors de sa mainburnie:
recevez moi, gloriose Marie.