Università
di Siena
Dettaglio Testo
BDAL
265,1456
RS
0013
Repertorio Metrico
870,28
Bibliografia
Petersen Dyggve 1938, 22
Genere
chanson
N Strofe
6
Refrain
Z
Schema Rimico
ababbaabb
Schema Sillabico
777777777
Genere Rime
fmfm
quant li
douz
tans rasouage,
au
douz
mois d'avril entrant,
chevauchai lez le rivage
d'une riviere bruiant.
si com j'aloie pansant
s'oï dedanz un boischage
une vois qui son
damage
plaint et regrete en chantant
et disoit en sospirant:
-
Amors
m'ocit et tue.
aprennez a valoir,
amis
,
ou vos m'avez perdue. -
droit vers la forest ramage
m'en vois, quant j'oï lo chant,
plains de
joie
en mon corage
et d'
amorous
pansement,
si trovai tot maintenant
une dame simple et sage
et une vielle d'aaige,
qui la chastoie et reprent.
cele dit tant
doucement
:
- Dex, que ferai?
vos direz quanque
voldrez
,
mais j'
amerai
. -
tant
dot
que ne face outrage
que plus n'os aler avant,
ainz descendi en l'ombrage
d'un ramé pin verdoient.
la dame disoit sovent:
- certes, ja por mon lignage
ne por mon mari salvage
ne por nul chastoiement
ne lairai mon
ami
gent,
que tote a li m'ottroi;
ja ne partirai d'
Amors
ne Bone
Amors
de moi. -
sor l'erbe fresche et menue,
lez l'arbre ou je m'iere assis,
est la tres bele venue,
c'onques garde ne m'en pris.
saluai la, plus ne dis.
ele respont
irascue
:
- sire,
joie
m'ont tolue
felon de
malvais
païs,
mais il n'ont pas mon cuer pris,
k'
Amors
lou tient et justice:
mes cuers a Bone
Amor
quise
tant c'or l'a a sa devise.
sire, la vostre venue,
ceu dit la bele al cler vis,
a ma
dolor
descreüe,
leialment lo vos plevis. -
d'un
douz
panser li enquis
dont sovent sospire et mue.
lors vint la vielle chenue,
dont je fui si entrepris
que sor mon pois congié pris
et dis: - a Deu, dame, a Deu soiez vos!
je n'os parler devant les genz a vos,
car cil qui rien n'i ont en sont jalous.
- lasse trop sui deceüe,
ceu dit la vielle, or vaut pis.
ceu est
bien
peine
perdue
de deus
amanz
faire eschis.
dites, fu ce vostre
amis
?
- oïl, voir, il m'a veüe
et sim'eüst retenue,
s'il ne cuidast que mes pris
fust par vos arriere mis
- il ot droit. je m'en repant.
dehez ait qui defera
Bone
Amor
d'or en avant. -