Università
di Siena
Dettaglio Testo
BDAL
265,147
RS
1916
Repertorio Metrico
860,85
Bibliografia
Petersen Dyggve 1938, 24
Genere
pastourelle
N Strofe
7
Refrain
Schema Rimico
ababbaab
Schema Sillabico
88888888
Genere Rime
mm
quant noif remaint et glace funt,
qe resclarcisent cil ruissel
et cil oisiel grant
joie
funt
por la
doçor
del tens novel,
et florissent cil arbrisiel
et tuit cil pré plain de fluer sunt,
et Fine
Amor
ce mi semunt
que je face un sonet novel.
un main suer mon palefroi munt,
en mai quant chantent cil oisiel,
si ai trové au pié d'un munt,
chapel faisant en .i. prael,
la fille au seignor d'un chastel,
la tres plus belic riens del munt
de cors e de vis et de front,
en blanc chainse et en vert mantel.
je la salue. ele respont
et laisse a faire sun chapel:
- sire, Deux grant
joie
vos doint
de la riens dunt plus vos est bel;
et a çaus doint Deux lor avel
qui vers dames leiaus cuers unt,
et cil qui Bone
Amor
defont
soient oni, Deu en apel.
- ma
doce
dame, je le croi,
qar maint
mal
m'unt fait gileor,
et sachoiz
bien
que de lor loi
ne sui je mie, ne des lor;
je n'
amai
unques tricheor.
mais faites vostre
ami
de moi,
s'avreiz trové en bone foi
dedenz fin cuer leial
amor
.
- danz chevalier, parler vos oi,
ce m'est avis, de grant folor,
qar en tot cest païs ne voi
pucele tant bel ator
ne dame de si grant valor
qui mieuz
amee
soit de moi.
por ce celi fausser ne doi
qui m'aime senz cuer gileor.
ja de celi qui mon cuer a
ne partirai mais nul jor.
a mes premieres
amors
me tendrai,
et quant eles me faudrunt si morai. -