Università
di Siena
 
Dettaglio Testo
 
   

BDAL

265,1488

RS

1452

Repertorio Metrico

347,1
Bibliografia Petersen Dyggve 1938, 23
Genere chanson
N Strofe 4
Refrain
Schema Rimico aababa
Schema Sillabico 887777
Genere Rime mf
quant voi bois e prez reverdir
et j'oi ces oiseaus resjoïr
par soir et par matinee,
lores me vuil esbaudir
por la douce savoree
a cui n'os mun cuer jeïr.
ne sai se ja le vos dirai
le mal que nuit e jor en trai
por vos, blonde et acemee;
ja autrui ne l'aprandrai
por nulle riens qi soit nee,
tant com celer le porai.
dame, coment savroiz vos dunc
que je sui en vostre prisun?
ne sai, doce desiree!
hé, Deux, que ferai je dunc?
morz sui, n'i voi recovree,
se non li dirai le non.
ma dame, qel confort prandrai?
morrai por vos? si non ferai.
je savïez ma pansee
et la grant dolour que j'ai,
j'avroie merci trovee,
ce croi, n'i faudroie ia.